المسلمون تحت حكم العسكر:محدش يشكك في الكلام .. محدش غصبك تقرأ


محدش يشكك في الكلام .. محدش غصبك تقرأ

أحد الأصدقاء كلمني النهارده بيستشيرني في وضع طبي للحالة دي ..
…………………..
واحدة فضلت هي وجوزها خمس سنين مبيخلفوش ..
تعبوا وكشفوا ولفوا كتير ..
وكل الفحوصات أثبتت إن هم الاتنين بخير وإن الموضوع قدر بس ..
اعتقلت الزوجة .. وتعرضت للاغتصاب أكتر من مرة في احد مقرات أمن الدولة ..
خرجت الزوجة وطبعًا حكت لجوزها اللي حصل ..
مش قادرين يشتكوا أو يعملوا حاجة لإن أولاً مع النظام الفاجر مش هتاخد حق وثانيًا خوفًا من الفضيحة قدام الناس ..
وبعد أسابيع وتحديدًا امبارح اكتشفت إنها حامل ..
عملوا تحاليل وسونار عادي ومهبلي وكلهم تقريبًا قالوا إن الحمل تعدى الأسبوع الخامس .. يعني قبل اعتقالها بأسبوع وكام يوم ..
طبعًا أسبوع مدى زمني قليل لإنهم ياخدوا حاجة على وجه التأكيد ..
ده غير إن طبقًا لكلامها اللي اغتصبوها محصلش منهم قذف داخل الرحم عشان متحملش .. لكن برضه ده طبيًا ملوش معنى لإنه وارد يكون حصل ..
التأكيدات دي بتقول إن احتمالية إن الحمل يكون من زوجها شبه مؤكدة ..
لكن كل ده مع عذابها وعذاب جوزها المتواصل خلتهم أخدوا قرار بإجهاض الجنين حتى ولو كان ابنهم قطعا للشك ..
…………………..
الصبح كان السؤال يعملوا ايه عشان يعرفوا ؟
الضهر كان السؤال ازاي يتأكدوا إنه ابنهم ؟
من شوية بقى السؤال ازاي يجهضوا الجنين ؟
…………………..
في مكان ما في مصر في أسرة فضلت تتنظر طفل لمدة خمس سنين وجه حماة الأمن هدموا فرحتهم ..
في زوجة تعرضت لجريمة عقوبتها الإعدام نفذها اللي مفروض يحميها من الجريمة ..
في زوج مجروح في كرامته ومحروم من أمنيته ..
في بيت على شفا الانهيار برغم إنهم زوجين ملهمش أي ذنب ..
في أسرة كانت هتفرح فرحتها الكبيرة لكنها دلوقتي في تعاسة لا يعلمها إلا الله ..
اللي كلمني بيقول .. كفاية إنك تشوف جوزها واقف ف ركن مدي وشه للحيطة وبيعيط ..
اللهم انتقم ممن سلبهم فرحتهم ونغص عليهم حياتهم ..
…………………..
محدش يشكك في الكلام .. محدش غصبك تقرأ

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s