هل نحن أفضل من الأنبياء؟؟؟؟؟؟؟


منقول

خالد الشافعي

– نبي ييجي يوم القيامة مافيش معاه واحد مؤمن !!!
-تخيل !!!
– ولا واحد آمن بيه !!!
– ولا واحد آمن بيه
– إزاي ؟!
– دا نبي يعني معاه حجة ولسان ومعجزات ؟
– شوف انت بقى ، تخيل لو انت مكان النبي ده ، كان يبقى شعورك إيه ؟ ربنا كلفك بدعوة الناس وانت رايح لربنا مافيش في إيدك فرد واحد يوحد ربنا !!!

الشاهد من قصة : مش لازم النهاية تكون زي ما انت عايز ، ومش لازم يكون الخير هو الخير من وجهة نظرك

والشاهد التاني : انت ما بتتحاسبش على النتائج إنما بتتحاسب على بذلك وعطاءك ،

والشاهد التالت : بلاش تتحسر على الواقع لإنك مش أفضل من نبي ولأن الطريق للحلم مليان بالمحبطات

– نبي تاني يفضل ٩٥٠ سنة بيدعو قومه للاسلام
– حضرتك بتقول إيه ؟
– ٩٥٠ إيه ؟
– ٩٥٠ سنة دعوة ؟؟!!!
– حضرتك بتتكلم جد ؟! ألف سنة دعوة !؟
– ومش من أي حد
– آه دا من نبي
– ومش من أي نبي دا من نوح عليه السلام ، ٩٥٠ سنة دعوة وما آمن معه إلا قليل

تخيل لو انت مكان النبي ده يكون إحساسك إيه ؟ شعورك إيه بعد مجهود ٩٥٠ سنة وفي الآخر اللي آمنوا بيك عدد قليل من الناس ؟

القصة مش بالكيلو ولا بالمتر ولا بالعدد ، القصة أحداث بتنسج وتفاصيل بتقرب من بعضها عشان النهاية السعيدة اللي لازم تاخد وقت
مش مجرد ما تقف للباطل هيستسلم
مش لازم تكسب أول ولا تاني ولا تالت جولة لكن لازم تبقى على يقين إنك مهما طال الوقت هتكسب
وانك حتى لما بتخسر فدي في الحقيقة مش خسارة ، دا عند ربنا مكسب ليك بإذن الله

اثبت واجمد وما تستعجلش

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s