هام جدا /بالنسبة لمقتل ظابط امن الدولة …! كلام مالوش دعوة بالدين و لكن مقنع


Khaled Elsrougi

بالنسبة لمقتل ظابط امن الدولة …!

عشان بس انا عايز اريح نفسى من الكلمتين دول , معظمنا او اكثريتنا مجربش امن الدولة بما فيهم انا الحمد الله و مرحهاش , بس انت متعرفش يعنى ايه انك تخش امن الدولة ..!

متعرفش مدى الذل و المهانة اللى بيجربوها بمجرد انهم دخلوا امن الدولة , مجربتش انهم يكهربوك فى خصيتك و لا انهم يشيلوا ضوافرك كلها , ولا يقلعوك ملط و يفضلوا يضحكوا و يتفرجوا عليك من فوقك لتحتك , او يرموك بالتلات ايام ملط فى عز التلج و لا انهم يعلقوك لمدة اسبوع من غير هدوم و كل اللى رايح واللى جاى يهينك و يضربك و لا جربت ابشع صور العذاب الجسدى و الجنسى , و لا تحس انهم بياكلوك مش شفقة منهم لا عشان تفضل عايش مش اكتر عشان يتسلوا بيك اكتر و اكتر كل مايزهقوا و متموتش و ميلقوش حد يتسلوا عليه …!

جربت انك متاكلش و تجبر نفسك انك متاكلش عشان تموت و تخلص من اللى انت فيه ..!

مجربتش تتمنى الموت او تبقى عينك مكسورة طول مانتا قاعد ولا جربت تنام كل يوم وانت معيط و لا تفتكر حجم الاهانة اللى بتحصلك و لا انك تحس انك عايش عاله او تدعى كل يوم انك تموت عشان تخلص من اللى انت فيه ..!

عمرك جربت احساس انك تشوف اختك او امك او زوجتك بيغتصبوا امامك و انت مش عارف تعمل اى حاجة , جربت احساس انك بقيت عاجز ومش عارف تحمى بيتك ولا مراتك , حسيت بينك و بين نفسك انك مش راجل عشان مش عارف تعمل حاجة لان مش بايدك اى حاجة ..!

جربت تطاردك كوابيس كل يوم و تشوف المناظر دى كل يوم فى حلمك , و تشوف الحقيقة دى كل يوم فى حلمك و متضطر تشوفها ..!

جربت تشوف عينين الظابط اللى عمل فيك كدة او فى مراتك و عينيه بتلمع و هوا حاسس انه منتصر عليك و انت عينيك كلها خوف و كسره نفس و ذل ..!

يا اخى دا انت و انت ماشى فى الشارع و ظابط اتعوج عليك او عاملك وحش بتحس انك مفرقع , تخيل كل اللى فات دا بجد ..!

احنا كلنا بشر و بنغلط و عندنا نفس جوانا مش كويسة و كلنا فينا نفس امارة بالسوء و لا استثنى احد مننا , و لسنا ملائكة و لسنا مثلما قال الرسول صلى الله عليه وسلم ” اذهبوا فانتم الطلقاء ” ..!

صدقنى انت لو مكانه و شفت الظابط دا فى اى حته , لو جريت عليه و قتلته او فجرت نفسك فيه مش حتحس من جواك بتانيب ضمير لان انت شفت كمية ذل محدش شافها , على الاقل حتحس انك مرتاح نفسيا من جواك بس حسابك مع ربنا بعدين هوا ادرى بعباده ..!

انا على الاقل لا قتلت ظابط ولا شجعت على قتله حتى , بس صدقنى الظابط دا لو وقعت انت في ايده كان قتلك و مرحمكش و ربنا ميحكم عليك حد ..!

و مش عايز الناس تيجى تقولى الدم كله حرام و ليه كدة , قبل ماتقول ليه كدة جرب تشوف الذل و المهانة اسبوع مش بقولك عمرك كله تتهان , جربه بس اسبوع من عذاب و اهانة جسدية و جنسيه و عيلتك تغتصب قدامك و مش عارف تعمل حاجة و تفضل قالع ملط طول عمرك و تنام كل يوم معيط , جرب دول و يبقى قولى ساعتها ليه كدة ؟؟؟!

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s